半年業積

老細已經半歲大，半年成績算唔錯!

當一日一日睇佢長大，出世時8磅1到今日20磅半，健健康康，活潑可愛就真係好感恩!

老實，佢真係上帝所賜既小天使，出世幾日人仔已經識笑，又大食又好瞓，日日同佢食玩瞓都不知時日過。不過有時真係諗唔做野全職照顧佢係好大犠牲，但見佢又肥又大隻就咩都滿足晒~~!

哈!哈!為咗慶祝佢半歲生日，又送支6合1佢嘆@_@"

自己就訂造咗個新缸，慶祝下啦!哈哈哈哈哈哈哈哈哈!

五個月報告

又過咗5個月，報告業績﹕

食量平均8安，有1安增長
頭圍44cm多1.4cm
體重19磅，重多1.5磅

又一個月，要大大感恩﹗

心痛死~~~!

近日天氣乾燥，就睇睇有無一隻好潤膚霜/油/乳畀老細潤一潤佢。經朋友介紹，又上BK查一查，就去買支Mustela低敏配方潤膚乳，標明增強皮膚防禦能力、保護皮膚免受侵害。

噚晚洗完白白就同佢搽一搽，結果今日清早換片發現~~~~~~~~~~~~~敏感!!!!!!!!成身出晒紅點，真心痛@_@

豬頭的心理報告!

睇咗心理醫生，結論係過度自卑~~~~~~~! ~“吓!”~ 就是我聽了的反應.......

由於生活、學業壓力，自感盡力做好一切都得不到別人讚賞，常有失敗感覺，結果過度自卑，做出“傻”事。

一個月後再做一次心理報告，希望有一點改善......

四個月報告

又過咗4個月，報告業績﹕

食量平均7安，無變
頭圍42.6cm多0.6cm
體重17.5磅，無變

又一個月，買幾支紅酒賀下啦﹗

豬頭記小過!

踏入新學年不足兩個月，豬頭出事!!!

九月中居然偷同學仔文具同錢!!!!!記咗一個小過!

十月份又撕咗同學仔功課!!!

唉!...........重有十一、十二月...........每月都來一鑊!點算?

修剪舞台

老細最喜愛睇舞台一號，見有時間就執一執啦! Enjoy!

又打針!!!

老細3月生日無咩送畀佢，又送支5合1佢，點知佢又病咗，發燒﹗今次就無上次靜靜地，喊到拆天﹗﹗﹗

老細﹗放過我啦﹗.......

三個月報告

又過咗3個月，睇睇業績﹕

食量由9安減至7安，減少22%
頭圍42cm無增
體重由15磅增至17.5磅，增幅17%

成績麻麻，不過3個月都慶祝下啦﹗

水榕也開花!

近排無留意舞台一號，中秋節望一望....咿!開花!?...真係開花!

照顧老細多於照顧既草缸，居然開花!幾時結果呢?

等待

化驗報告等待已久，是惡性。抱子弄孫，算曾享天年之樂吧。

現惟有禱告，希望大家心情好一點，願各人得安慰，更重要希望他信主得救恩﹗

38.3°C

送咗一針畀老細後，結果換來既係發燒﹗見佢燒到傻傻地又笑笑口，就表示........無事啦﹗不過胃口就差咗D，飲得6-7安，都好，唔好食太多，太肥就唔好啦。

兩個月報告

不經不覺照顧老細已經兩個月，又睇睇兩個月既業績﹕

食量由6安增至9安，增長50%
頭圍由38cm增長到42cm，增長10%
體重由11磅增至15磅，增幅36%

成績不俗，又值得慶祝﹗再要多謝小露姐姐既禮物!









另外，今日都獎勵老細，送咗一支五合一畀佢，希望佢身體健康﹗

滿月酒

老細今日出大場面真係急，同佢開完餐就快車去酒樓出席酒宴，一班fans早已經列隊歡迎﹗
椅都未坐好就開席，不過係睇我地開餐..............
食完先一一接受頒獎及影相，最後以$33,880結束一晚行程~~~~~~~~~~又任務完成﹗

拗手瓜

唔知老細幾時開始去健身室做運動，眼見佢手瓜大大隻﹗不過一日七餐每餐已經6安半，畀我唔止手瓜大大隻，連躉都可以大一個碼﹗老細，你係得既﹗