12月24日日事

~4:10就起床，假期點解咁早？無得解的。
~6:00出外到聞名不如一去既天光墟，去到真係好多魚睇，又有水族用品同魚缸裝飾，當然到此一遊有收獲啦，買咗個裝飾畀雞泡，消費十元﹗臨離開時遇到同事，佢原來又去買魚﹗










~7:30同Suzie花墟買花，開檔店舖唔多，不過揀咗兩束花，睇睇靚唔靚？










另外又買咗一花束送畀一位洗禮姊妹，之後去咗一間叫濠苑茶室同Suzie享用早餐，一流﹗大多數幫襯茶客都係一班撚雀既前輩，同兩個年青人手拿三束花比較，情景好特別﹗
~9:30享受完個靚早餐就返教會練詩~~~~
~13:30完咗個崇拜就係洗禮分享會，五位弟兄姊妹都分享到信主嗰份喜悅同改變，真係好開心同感恩﹗聖誕節記念主耶穌降生，為要救罪人﹗
~15:00馬不停蹄走到APM 吉之島shopping，預備同外父外母一家人夜晚打甂爐﹗去到真係人山人海，經濟復甦﹗
~18:00開始打，十一個人飲飲食食，互祝聖誕快之餘，又交換禮物，好開心﹗最後同大家姐慶祝生日，齊齊食蛋糕﹗
~22:00開心過後收拾場地時候..............










~24:00完成一日辛勞又時候梳洗休息，晚安﹗