父與子

每晚都盡可能走到療養院探望家父。有一次護士帶佢行公園，但唔到幾步家父已感覺唔妥，一度血壓直升到近二百，結果因上壓不穩，連床都唔落得。

每次探佢約半小時都只係問下病情，旮旯的加床位旁，只能容納兩個人，坐亦無位坐，只好企定定，望兩望。兩父子每次見面都無兩句已必然，更何況响醫院.........老實我亦有幾分似我父親，唔多說話。

當然唔出聲並唔代表唔關心、唔體恤，亦明白老父所擔心及所關心係咩事，不過希望佢身體快點復原，媽亦無需頻蹸。

「生有時，死有時；裁種有時，拔除有時；殺害有時，醫治有時；拆毀有時，建造有時；悲傷有時，歡樂有時；哀慟有時，舞蹈 有時；同房有時，分房有時；親熱有時，冷落有時；尋找有時，遺失有時；保存有時，捨棄有時；撕裂有時，縫補有時；緘默有時，言談有時；愛有時，恨有時；戰 爭有時，和平有時。這樣看來，作事的人在他的勞碌上有甚麼益處呢？我見神叫世人勞苦，使他們在其中受經練。」傳道書三章二至八節

人生經驗就等同以上時刻，使人成長成熟﹗