舞台四 之 雞泡缸

養淡水雞泡(又叫娃娃)決定係由太太開始，亦係佢最鍾意既魚。

淡水雞泡(puffer)種類都好多，不過自己家中係汽水魚，8字娃娃。此魚生活係鹹淡水交界河流，故養佢地需要放鹽水落缸，點解唔直接落鹽？原因係好難調配合適比重及濃度。有養魚前輩教比重約1.002至1.020，當然買支比重計就最準﹗

底層鋪最好係沙，因為雞泡都幾高污染魚類，表示屙得多既魚。沙面就可以防止糞便沉積底層，亦同時防止細菌。其實娃娃最易有皮膚病，例如白點病，當然可以用魚藥，但更好方法係加重鹽比重及提高水溫到約30度。

食物方面主要係蝦、螺、紅蟲及蝸牛﹗重要餐餐食﹗若果人餐餐食海/河鮮，一定肥肥同.....有病﹗