傳統的母親

今夜真係唔知咩事，瞓一個小時左右就醒。扭開收音機，剛好播出有誰共鳴中祥仔(王均祥)分享，亦回想街坊所分享中的母親，倒不如我都講講我媽。

點解要用歌(媽媽)表達母親？就好似有誰共鳴一樣憑歌記意。

我媽係一位好傳統既母親，嫁了我爸成為大嫂後就為佢生咗七位小朋友，其中之一當然係我。當時除呀爺呀嫲，我一家八口(其中我哥哥出世不到兩天已去，所以只計八口)，重有兩位呀叔及呀嬸。活係大家庭中的大嫂當然不簡單，做嫂的每次都要等一班長輩及男人食完，先可以食飯﹗夠傳統未？可以話慘........。兩位呀嬸受唔到結果同兩位呀叔搬走咗。淨我媽一人照顧全人類早午晚餐﹗

到我幼稚園高班，嫲嫲中風入到瑪麗及荷理活道那打素醫院。當時正係家族生意旺盛開始，呀爺、呀爸同兩位呀叔都唔能夠抽時間探呀嫲，兩位叔嬸又大肚，重任只好交付我媽一人。我媽張我歲幾弟弟交託鄰居，留下四位姐姐，接我放學就即刻乘車坐船過海，為中風嫲嫲洗身，一做就七年，後期轉到九龍城法國先唔駛長途跋涉。當中真係未聽過我媽發過半句怨言，盡了佢媳婦責任﹗

呀爺中風後，雖則不用我媽粗勞，請了兩位護士日夜輪班照顧，但要面對我地幾隻怪獸，真係晚晚叫苦連天﹗我爸當時只會冬至、年三十及農曆初一二三先返屋企食飯，家中大小事只有我媽一人負責，我地病、見家長、探親、煮飯買餸，都係一個人﹗後期，我媽同家姐更要出公司幫手。

直到瞓咗十五法國醫院嫲嫲過身，兄弟不和，細叔更吞下一切移民外國，一切都轉變﹗我爸失業後才回歸平靜。由於疏於理會自己耳朵(佢耳朵從小已經有毛病)，結果再聽唔到我地叫佢呀媽。

但係我媽係一個好樂觀既人﹗又從細教我地，有既就要幫人，同人分享，好似菜茶為例，一煮就幾十斤，炒咗半日就請街坊親友食，開開心心﹗(我都有D似佢，哈哈﹗)

當然

那皺紋那白髮　是代價
媽媽　妳辛苦為家
親愛的媽媽　休息吧
你辛苦了﹗