豬頭的第一次 - 食蛋

早前一日內收到兩位家姐及家父來電，Oh﹗以為咩大件事，豬頭默中文攞蛋。不過今次無畀人打手板。

事發當日背默中文，全課六段，豬頭只記得要默書但又唔記得默邊幾段，手冊又無寫清楚，打電話問同學又唔知(有無攪錯﹗)，結果靠佢自己記憶「好似默頭五段﹗」，就背咗。結果係默晒全課，錯或漏字同標點符號都扣五分，無咗成段就當然攞蛋﹗

不過據報佢頭五段都全對...............叻仔﹗

最出人意表係，我家姐獎佢去深水埗食豬膶粥﹗第一次攞蛋有獎，第二次又會點？