小朋友

小朋友，你/妳好嗎？相信你/妳一定唔識應我．．．

你/妳又知唔知？個幾月來，媽媽已經帶你/妳騎過馬、搭飛機、做Yoga？媽媽為你/妳放棄咗魚生、龍蝦、可樂，所以你/妳要乖乖唔好令媽媽唔舒服﹗

小朋友你/妳又知道嗎？爸爸近排工作忙，無時間為你/妳安排，只好為你/妳身體健康平安禱告。

不過相信你/妳必定平安，因為有好多哥哥、姐姐、叔叔、嬸嬸為你/妳祈禱，不過你/妳知唔知咩叫禱告？你/妳有排都未知．．．不過你/妳都要記得多謝上帝﹗信仰既路好快你/妳就要自己去了解、摸索，爸爸媽媽只可以幫你/妳一把，最終都要你/妳自己經歷上帝﹗

小朋友，爸媽祝願你/妳快高長大，愛神愛人﹗